خودلذتی/مشت زنی کے وجوہات
Masturbation, Reason for Masturbation, And how to Control Masturbation
خودلذتی/مشت زنی کی بہت سی وجوہات ہیں چند اہم درج ذیل ہیں۔
1۔ خودلذتی/مشت زنی کی سب سے بڑی وجہ یہ ہے کہ بلوغت میں جنسی غدودوں کی کار کردگی کی وجہ سے منی بننے لگتی ہے چونکہ ہم منی کو محفوظ نہیں کر سکتے اس کا نکاس ضروری ہے، اب اگر فردکے پاس منی کے اخراج کا جائز ذریعہ موجود نہیں اور اسے کثرت سے احتلام بھی نہیں ہوتا تو پھر با لغ فرد مشت زنی کے ذریعے اس مادے کو خارج کرتا ہے۔
2۔ دوسری بڑی وجہ برئے دوستوں کی صحبت ہے۔یہ دوست ان کو بلوغت کے آغاز ہی میں خودلذتی سے نہ صرف آگاہ کرتے ہیں بلکہ ان کی تربیت بھی کرتے ہیں۔حالانکہ اگران کو علم نہ ہوتا تو ممکن تھا کہ ان کو احتلام ہونے لگتا ہے ان کو مشت زنی کی ضرورت ہی محسوس نہ ہوتی۔
3۔ آج کل نہ صرف نوجوان بلکہ شادی شدہ افراد بھی گندی فلمیں دیکھتے ہیں۔خصوصاََ انٹر نیٹ کے ذریعے فحش مواد سے دیکھتے ہیں انہیں دیکھ کر ان کے جنسی جذبات مشتعل ہو جاتے ہیں۔اس لیے فوری تسکین کے لیے مشت زنی کر لیتے ہیں۔
4۔ بعض خواتین اپنے خاوندوں کے ساتھ بھرپور جنسی تعاون نہیں کرتیں جس کی وجہ سے ان کو ازدواجی زندگی جنسی تسکین سے محروم ہوتی ہیں پھر ایسے لوگ زنا کی بجائے خودلذتی کے ذریعے جنسی تسکین حاصل کر لیتے ہیں۔
5۔ بعض گھروں میں کمرے کم مگر افراد کی تعداد زیادہ ہوتی ہے جس کی وجہ سے میاں بیوی کو مباشرت کے مواقع نہیں ملتے۔ اس صورت حال میں بیوی تو اپنے آپ پر کنٹرول کر لیتی ہے مگر خاوند نہیں کر پاتا چنانچہ وہ زنا کی بجائے مشت زنی کا سہارا لیتا ہے۔
مشت زنی پر کنٹرول
اگرچہ مشت زنی کسی بھی طرح سے نقصان دہ نہیں مگر پھر بھی اگر آپ کنٹرول کرنا چاہیں تو ایسا کر سکتے ہیں۔ کم از کم اس کی تعداد کو کم کیا جا سکتا ہے۔ اس صورت میں عموماََ احتلام میں اضافہ ہوجاتا ہے۔جس سے پریشان ہونے کی ضرورت نہیں۔
1۔ مشت زنی کو کنٹرول کرنے کا سب سے موثر اور آسان ذریعہ شادی ہے جب فرد شادی کر لیتا ہے تو پھر اس کو منی خارج ہوتی رہتی ہے جس کی وجہ سے وہ مشت زنی کرنے پر مجبور نہیں ہوتا۔ شادی کے بعد یہ عادت خود بخود ختم ہو جاتی ہے۔اس لیے اللہ کے نبی ﷺ نے جلد شادی کرنے کی تاکید فرمائی ہے۔
2۔ گندی فلمیں،کہانیاں، فحش کتب،تصاویر، نغمات،اور بری صحبت سے بچیں۔ یہ چیزیں فرد میں جنسی ہیجان پیدا کرتی ہیں اور پھر فرد مشت زنی کرنے پر مجبور ہو جاتا ہے۔
3۔ کھیلوں کی طرف زیادہ توجہ دی جائے۔ پسندیدہ کھیلوں میں حصہ لیا جائے۔ اگر فرد کھیلوں میں بھر پور حصہ لے تو اس کی توجہ سیکس کی طرف کم ہو جاتی ہے اور مشت زنی کی تعداد بہت کم ہو جاتی ہے۔
4۔ مثبت مشاغل کو اختیار کیا جائے۔ لازماََ کچھ وقت روزانہ صحت مند مشاغل میں صرف کیا جائے۔ اس سے خودلذتی کی طرف توجہ کم ہو جائے گی۔
5۔ رفاہ عامہ کے کاموں میں دلچسپی لیں۔محلہ کی بہتری کے لیے کوئی کام کریں۔لوگوں کی خدمت کریں بوڑھوں کی مدد کریں۔
6۔ عموماََ فرد کسی ایک خاص جگہ مشت زنی کرتا ہے، پھر وہ جب بھی اس جگہ جاتا ہے تو وہ بے اختیار مشت زنی کر لیتا ہے۔ چنانچہ آئندہ جب بھی مشت زنی کرنا چاہیں تو جگہ بدل لیں۔ اس سے مشت زنی کی تعداد کم ہو جائے گی۔
7۔ اکثر اوقات فرد ایک خاص وقت پر مشت زنی کرتا ہے۔ عموماََ نوجوان رات کو کرتے ہیں۔آئندہ رات کے بجائے صبح کریں۔ چند دنوں کے اندر مشت زنی کی تعداد کافی کم ہو جائے گی۔
8۔ نوجوان اکثر ایک خاص تعداد میں مشت زنی کرتے ہیں مثلاََ ہفتہ میں دوبار آئندہ اس کی تعداد کم کریں تو آپ کنٹرول بڑھ جائے گا۔
9۔ استثنٰی کا استعمال کرلیں۔ یعنی نوٹ کریں کہ جب آپ مشت زنی نہیں کرتے تو کیا کرتے،پھر وہی مزید کریں۔مثلاََایک لڑکے کو جب بھی مشت زنی کی خواہش ہوتی تو وہ کوئی مذہبی کتاب پرھنے لگتا، دوستوں سے ملنے چلے جاتا وغیرہ۔اسے کہا جائے گا کہ وہ ان چیزوں کو زیادہ کرے تو اس کی یہ عادت بہت کم ہو جائے گی۔
10۔ جب بھی مشت زنی کی خواہش ہو تو لازماََ نئے کپڑئے پہنیں پھر مشت زنی کریں۔
11۔ جونہی مشت زنی کرنے کی خواہش پیدا ہو تو فوراََ نہ کریں بلکہ اسے آدھا گھنٹہ لیٹ کرلیں۔
12۔ یہ بہت ہی موثر طریقہ ہے۔ اگر اسے مناسب طور پر استعمال کیا جائے تو مشت زنی کو آسانی سے کنٹرول کیا جا سکتا ہے۔
a۔ آرام سے کسی جگہ بیٹھ جائیں۔
b۔ آنکھیں بند کر لیں،جسم کو ڈھیلا چھوڑدیں، 10لمبے سانس لیں۔
c۔ اب تصورکریں کہ آپ اپنی پسند کی جگہ میں مشت زنی کرنے لگے ہیں اور آپ کا ہاتھ اپنے ذَکرکی طرف جا رہا ہے مگر مشت زنی کرنی نہیں۔تصور کو بڑا اور روشن بنائیں۔
d۔ پہلی تصویر کو ایک طرف کر دین اب دوسرا تصور کریں کہ ایک اور "آپ" ہیں اسی جگہ بیٹھے ہیں مگر مشت کو دل نہیں کر رہاہے۔ خواہش ہی نہیں ہے۔آپ بہت خوش ہیں کہ اپنے آپ پر کنٹرول ہے۔ اس تصویر کو بھی بڑا اور روشن بنائیں۔
e۔ اب دوسری بعد والی تصویر کو چھوٹا کرتے جائیں حتیٰ کہ یہ ایک نقطہ بن جائے۔ آپ نے اکثر ٹی وی پر دیکھا ہو گا کہ بڑی تصویر سکڑ کر نقطہ بن جاتی ہے اور نقطہ پھیل کر تصویر بن جاتی ہے۔
f۔ اب اس نقطہ کو پہلی تصویر کے درمیاں میں رکھیں اور"شوں "کی آواز نکال کر اس نقطہ کو تیزی کے ساتھ پھیلا دیں کہ یہ تصویر کو ڈھانپ لے۔ اس طرح یہ مشق دس بار کر لیں۔ بعد ازاں روزانہ دوبارہ کر لیں۔ اگر آپ نقطہ کو پھیلانے میں چند سیکنڈ سے زیادہ وقت لیں تے تو یہ طریقہ موثر ہو گا۔لہٰذا نقطہ کو بہت تیزی کے ساتھ ساتھ پھیلائیں۔
13۔ اللہ کے نبیﷺ نے ہم نوجوانوں کو حکم دیا ہے کہ وہ روزہ رکھیں کیونکہ یہ قاطع شہوت ہے۔(بخاری،مسلم)
